And a deadly aith she's ta'en,
That she wad vote the Border Knight,
Though she should vote her lane.
"For far-off fowls hae feathers fair,
And fools o' change are fain;
But I hae tried the Border Knight,
And I'll try him yet again."
Says black Joan frae Crichton Peel,
A Carlin stoor and grim.
"The auld Gudeman or young Gudeman,
For me may sink or swim;
For fools will prate o' right or wrang,
While knaves laugh them to scorn;
But the Soger's friends hae blawn the best,
So he shall bear the horn."
Then whisky Jean spak owre her drink,